.
.
السلام عليكم ورحمه الله بركاته
.
.
مرحبا زواري الأعزاء
اليوم مثل ما انتو شايفين من عنوان الموضوع
بيكون موضوعنا عن مكياج مدرسي
طبعا المكياج اللي نحطه للمدرسه يفضل يكون وايد خفيف
لانه المكياج الثقيل يخالف قوانين معظم المدارس
وبعد البنت لازم من نفسها تختار مكياج خفيف
لانه لكل مكان له مكياجه الخاص ، يعني مكياج المدرسه يختلف عن المكياج اليومي
ويختلف عن مكياج السهره
/ / / /
أول شي نحتاج ل حمايه وترطيب للويه
في المدرسه نتعرض للشمس بمعدل متوسط، يعني لو نحسبها بين الحصص نطلع من الصف
وفتره الفسحه بعد يعني معدل مب شوي
كريم الصباح من No7
خذته من صيدليه بوتس في دبي
الكريم يناسب البشره المختلطه مثلي
فيه نسبه واقي شمس وترطيب
واقي شمس من نيفيا
حصلت عليه عينه من Glambox.me
للامانه جربته مره وحده وعقب نسيت موضوعه
ف ماقدر احكم عليه بس برجع استخدمه
حطيته يمكن يفيد حد وتقدرون تسوون سيرج عنه ف قوقل
الحين اني للعيون "بالنسبه لي أهم شي عيوني هههه"
عن نفسي أحب اجحل عيوني من داخل الجفن العلوي فقط
"استخدم جحال اسود ضد الماي من "قزاز"
وأحيانا استخدم أيلانر جل من "ماك" للجفن اللي فوق من برع
استخدم ماسكرا ضد الماي عشان اتم ثابته لمده طويله وطبعا قبلها استخدم اداه الرموش "ماعرف اسمها هههه"
الماسكرا من "جيفنشي"
استخدامها واااايد حلو فرشاتها كرويه، نسيت اصورلها لكم
وهاي صوره من النت
وأداة الرموش اللي ماعرف شو اسمها بالضبط هههه
من "H&M"
الخدود والشفايف
للخدود أحب استخدم بلشر كريمي من "ذابالم"
وانا سويت ريفيو عنه من قبل "هنا"
لونه وايد خفيف ومايل على الطبيعي
للشفايف الافضل نستخدم مرطب شفايف
انا اخترت ثلاث من ماركات مختلفه
من اليمين:
من ميبليين: وايد سمعت عنه ريفيوز بس اعتقد مايستاهل وايد
يعطي لون خفيف وترطيب خفيف . . تحصلونه في سينتربوينت
من لابيلو: وايد أحب هالمرطب، في عده نكهات وكل نكهه احلى من الثاني
ترطيبه جدا رائع، ويعطي لون خفيف وحلو . . تحصلونه في السوبرماركت والصيدليه
من فازلين: من بعد لابيلو ايي هذا المرطب بالنسبه لي
مثل الشي ترطييب ولون جمييل احب استخدمه قبل لا انام
انا خذته من تايلاند ماعندي فكره وين يتوفر في الامارات
. . . .
وبجي أكون خلصت
نصيحه مني لا تثجلون وايد اشياء على بشرتكم
خلوها شوي ترتاح بس بعد مانهملها استخدموا اشياء مفيده تنفع بشرتكم
ان شاء الله يعيبكم البوست
وترقبوا اليديد
ليست هناك تعليقات:
إرسال تعليق