الاثنين، 24 أغسطس 2015

عنايتي الأسبوعيه لبشرتي . . My weekly care for my face

.

السلام عليكم ورحمه الله وبركاته








مرحبا زواري الاعزاء ، في البوست اللي طاف قلتلكم اني رح انزل 
بوست عن السفر بس للحين ماجهزت اغراضي =( 
ف قلت اهديكم موضوع بسيط وان شاء الله يفيدكم 

موضوعنا اليوم عن العنايه الاسبوعيه اللي اسويها لويهي 
طبعا في عنايه يوميه واسبوعيه وشهريه 
بس فضلت في البدايه اني اسوي الاسبوعيه دام كان وقتها اني اسوي ف قلت اوثق الشغل 

البشره اذا اهملتيها فتره بسيطه بسرعه يبين عليها الاهمال وعدم الاهتمام
طبعا تحسين ويهج فيه شي غير مرغوب فيه 
نتخيل انه اليوم حطيت ميكاب وعلى المسا شلته بمناديل المكياج 
وغسلت ويهي بالماي ونمت 
اليوم اللي بعده طلعت بدون كريم حمايه او شي شي
طبعا الغبار يعلق في الويه 
وبعد الدهون تعلق في الويه، ف تصير عندنا طبقات من الاوساخ ><"

انا انسانه مب كامله ومثاليه طبعا تمر عليه ايام اتكاسل اهتم في بشرتي 
بس ارجع واحمس نفسي واهتم ههههه 

.   .   .   .   .  .


قبل لا نبدا، اهم خطوه انج تغسلين ايدج بالصابون ^^
استخدمي الصابون اللي يناسبج انا استخدم ديتول
وارفع شعري كامل عن ويهي واحط هاللي يثبت الشعر بتشوفونه لونه وردي في الصوره هههه
ماعرف اسمه المهم هذا الشي خذيته من دايسو

بعدها غسلي ويهج بأي غسول يناسب بشرتج


انا استخدم ريكسول وهو يناسب جميع انواع البشرات 
ويحتوي على بيتامين سي وهذا الفيتامين مهم جدا للبشره، قوامه مثل الجل 
نقطه منه مع شوي ماي يكفي للوجه، ريحته وايد حلوه 
وكميه العلبه تكفي لمده طويله 
اذا عندج خوات تقدرون تشتركون مع بعض في الاستخدام لانه مثل ماذكرت يناسب جميع انواع البشرات
بتحصلونه في الصيدليات 



بعدها ابدأ أقشر شفايفي بمقشر من لاش بنكهة البابل قم 
المقشر جدا جميل وحجمه حلوو، في منه عدة نكهات 
وعند التقشير استخدمي فرشاه اسنان بحركه دائريه خفيفه 




بعدها اني للويه، استخدم سكراب من لاش اسمه سي سالت، يناسب للويه والجسم 
ريحته خيااااال، ومفعوله جدا رائع، بعد استخدامه احس بشرتي ناااعمه وايد 
اوزع من السكراب على ويهي وبمكينه من براون اعمل مثل مساج كامل للويه 
بحركه دائريه، فرشاة المكينه وايد ناعمه وحلوه 
"بسوي ريفيو عنها ان شاء الله" 



الخطوه هاي تقدرون تستغنون عنها مب اجباريه
بس عن نفسي احب قبل لا اغسل ويهي من السكراب
ابدا اخوزه بالقطن، استخدم قطن من جونسن للويه 
واحب احطه ف هالزجاجه اول شي يعطي منظر حلو وثاني شي عمليه 
وحمايه من الماي ^^




بعد ما اغسل ويهي من السكراب 
احط لصقات الانف للتنظيف العميق من بيوريه 
ليش احطه في هالخطوه؟
لانه في نظري بعد استخدام السكراب، طبقه من الجلد الميت تخوز وبعد الدهون المتجمعه تخوز
وهالشي يساعد اللصقه تعمل عملها بشكل جيد 

الخطوات موجوده على العلبه 
لا تستعيليين وتشلينها بسرعه خليها نفس الوقت المطلوب او الييين تنشف 
وتحسينها بدت تستوي يابسه 
صح لما تشلينها تشوي تؤلم بس بتشوفيين الاشيا اللي بتشيلها وبتنصدمين ههههه 




في الوقت اللي احط فيه اللزقه، احط مرطب لشفايفي مرطبي المفضل من لايبللو
لازم يا بنات عقب اي تقشير لازم ترطييب ولا مابتكون النتيجه زينه 

الوقت اللي اتريا فيه اللزقه تكمل وقتها
ابدا اسوي اشيا ثانيه عشان يمر الوقت
مثلا ارتب اغراض العنايه وارجعها مكانها لانه تقريبا شارفنا على الانتهاء 



بعد ما أشيل اللزقه واغسل مكانها لانه احيانا تترك اثار اللزق 
احط هالمرطب من كلين آند كليير لويهي كامل 
عن نفسي احب هالمرطب يعطي ترطيب رائع 
ومثل ماقلنا بعد التقشير لازم ترتطططيب 
وانتي تقدرين تستخدمين المرطب اللي يناسبج 


.   .   .   .   .  


وبجي أكون خلصت، الخطوات سريعه وتستمتعين وانتي تسوينها
ف لا تصيرون كسولين مثلي في بعض الاحيان ههههه 
اهم شي البشررره ^^



اتمنى البوست عجبكم واستفدتوا منه 

كونوا بالقرب







ليست هناك تعليقات:

إرسال تعليق