.
السلام عليكم ورحمه الله وبركاته
يسعدلي صباحكم و مسائكم بكل خير زواري الاعزاء
الحمدلله رجعت من سفرتي ولله الحمد كانت جميله ، وطبعا اشتقت لمدونتي العزيزه
وكنت ناويه أنزل مدونه عن المشتريات اللي اخذتها من أوروبا بس بسبب تلخبط الروتين وتعب السفر
أجلت الموضوع ل كم يوم
طبعا مافي سفره ماتخلى من المشتريات، بالنسبه لي أحب آخذ الاشيا اللي ماتكون عندنا في الامارات
بس طبعا هالشي نادر احصله لانه الحمدلله كل شي متوفر عندنا في الامارات
بس خلونا نشوف شو خذيت من أوروبا
. . . . .
أول شي خذيته من منطقه قارمش الألمانيه هو هالمشط ، من فتره شفت وحده بريطانيه تمدح ماركه هالمشط
وفي الفتره الأخيره صار عنه وايد ريفيو من بنات خليجيات يمدحونه
ف قلت ليش ما أجربه، اسنان المشط في منه قصير ومنه طويل ف اعتقد هالسر في المشط
طبعا وانا هناك جربته، شفته يطلع اي شي عالق في الشعر ههههه بالاخص مرات يكون ف فروه الراس مثل طبقه يسويها الشامبو
على طول طلعت لما استخدمته، يستخدم سواء كان الشعر جاف او مبلول
وهالصوره من النت توضح اسنان المشط
ثاني شي خذت مجموعه من الصابون، محل هالصابون شفته السنه اللي طافت بس ماصارلي وقت ادخله
بس هالمره قلت لازم ازوره واشوف شو عندهم، هالمحل في قريه سيفلد النمساويه،
طبعا احترت شو اخذ من الصابون لانه في انواع وايده ومختلفه وتحتارين شو تاخذين من حلات الريحه
اخترت هالمجموعه وفي مجموعه ثانيه ماقدرت اصورها لانه زعتها ك هدايا
وفالوسط كريم ترطيب لليدين والرجلين
انصح ب هالمحل وبشددددده
ولما كنا متوجهين ل ميونخ في طريجنا مرينا على بيت العسل، مثل دكان صغير يبييعون عسل ومنتجات
مصنوعه من العسل، خذنا عسل شجره الكرسمس وكان لذييذ، وخذت شامبو وشور جل من العسل
وشكلهم بيكونون من فضلاتي
في ميونخ عندهم محل اسمه دوقلس، هو تقريبا مثل سيفورا عندهم مكياج وعطور
حصلت عندهم مكياج بهالماركه "يوستار" ماعرف اذا هي ألمانيه او لا، هالماركه رخيصه ومن قبل جربت البالت الدائري
وكان الكوالتي جميل ماتوقعته يكون جيد بالنسبه ل سعره ف قلت بجرب بعض الاشيا الثانيه
هالبالت الوانه حلوه وثباتها جيد ينفع للمكياج اليومي والحلو يحتوي على ايشادو وبرونزر وبلاشر
اعشق هالالوان وااايد، كنت متفائله ب هالبالت وايد بس انصدمت انه ثباتته مش نفس الثبات اللي فوق
معنهم من نفس الماركه، يحتاج ل مثبت ايشادو وشوي ماي عند الاستخدام
الماسكرا بعد كنت متوقعه منها نتيجه قويه بس شفت انها عاديه
خذيت روج من ماركتهم الالمانيه اسمها " " وها رقم درجه اللون للاسف نسيت اصور الروج
بس بعرضه عقب لانه خذته للخريف والشتا
ههههه طبعا كل شي خذيته وجربته وانا هناك من الحماس، خذت اسفنجه "بيوتي بلند مايكرو"
اللي نستخدمها للكونسيل تحت العين طبعا ماقدر امدح اكثر من المدح اللي حصلته
في عندهم هالماركه والصراحه ماجربت شي منها غير هالماسكرا، تعطي كثافه حلوه
كانت عندي ورديت خذيت منها، طبعا مايبقى منها شي بسررعه تخلص
خذيت هالقلمين من ماركه ان اي اكس، لون بيج فاتح ولون غامج، اللون الغامج خذيته بالغلط كنت مستعيله
بس قلت مايضر اكيد بستفيد منه، الحلو في هالقلم له عدة استعاملات، يكون جحال وهايلات تحت الحواجب،
ومحدد لشفايف ، و ك كونسيلر يخفي البقع
عند الكاشير شفت عالماسك بزيت الارقان، لين الحين ماشربتهم بس احس بندم من الحين لاني ماكثرت منه
ههههه ماعرف ليش هالندم من الحين معني ماجربته بس متفائله بنتيجته
وخذيت أيلاينر من ماركه "كيكو" للاسف الصوره مش راضيه تنرفع -.-"
وبس وبجي اكون خلصت
أتمنى يعجبكم البوست
وكونوا بالقرب
ليست هناك تعليقات:
إرسال تعليق