.
السلام عليكم ورحمه الله وبركاته
حياكم الله زواري الأعزاء
اليوم بطرحلكم مفضلاتي ل شهر 9 . . في فالبدايه كان ع بالي الاشيا بتكون شوي بس آخر شي طلعتلي
مجموعه لا بأس بها "هههه"
أغلب الاشيا كنت استخدمها تقريبا بشكل يومي وما اقدر استغنى عنها
وانا طبعا من النوع اللي أعلق على الشي إليين اجرب شي يديد واخليه هههه
جمعتلكم اشيا تقريبا متنوعه وان شاء الله تفيدكم ^^
أول مجموعه من اليمين
غسول للويه من "دوف" هالشي العجيب حصلته عينه مجانيه من بوكس قلام بوكس
هالغسول ينظف البشره بشكل خيااالي يعني صدق من بعده احس بشرتي نظيفه
وشي اكيد بروح وباخذ الحجم الاصلي منه صار شي اساسي يكون عندي
طبعا مايجفف البشره وايد بس بالنسبه لي لازم ارطب بشرتي بعد اي غسول
"أنصح به وبشده"
مزيل مكياج العين من "نيفيا" حبيت هالمنتج من الدعايه اللي شفتها فالتلفزون هههه
شغله وايد حلوو بس انا لازم استخدم غسول بعده، هو صح يشل المسكرا والجحال بشكل عجيب
بس بعد اتم بقايا بس منتج لازم يكون عندي وما اقدر استغنى عنه
"أنصح به"
سكراب للويه والجسم من "لاش" هالسكراب تكلمت عنه ف موضوع عنايتي الأسبوعيه لبشرتي . . My weekly care for my face
مقشر للشفايف بعد من "لاش" تكلمت عنه ف موضوع عنايتي الأسبوعيه لبشرتي . . My weekly care for my face
اللي على اليمين " شامبو جاف" من "تريزمي" هالمنتج حق المناسبات الطارئه يعني لو شعرج من النوع اللي يدهن بسرعه
ضروري يكون عندج هالشي الخطيير هههه ، يعني صارتلج مناسبه ولا حد زارج فجأه وكان شعرج مدهن
وماكان عندج وقت تغسليه على طوول طعلي هالمنتج بخي كم بخه وفركي شعرج وشوفي النتيجه
بس عيبه انه يخلي الشعر شوي يابس بس بعد شي مفييد
اللي على اليسار "زيت الارغان المغربي" تحطينه ع شعرج يوم يكون مبلل
يمنع النفشه اللي تستوي بعد الاستشوار وبعد يحمي من الحراره
منتج جيد مالاحظت في فرق لما استخدمته
المجموعه الثانيه
هالمنتج حصلته من بوكس قلام بوكس هو يحمي من حراره الاستشوار والسيراميك
منتج رائع يحمي الشعر من الحراره ويعطي لمعه حلوه
بتحصلونه في glambox.me
هالكريم مرطب للايد واستخدمه لريولي بعد "ههههه
هالشي خذته من ألمانيا ومن كنت هناك وانا استخدمه وكتبت عنه في What I got from Europe . . مشترياتي من أوروبا
عطر للشعر من شانييل، حبيت ريحته بس ماحسيت الريحه تثبت وايد ع الشعر
بس حلو قبل النوم تبخين كم بخه يعطييج شعور بالراحه
المجموعه الثالثه
باليت من "ذابالم" هالباليت لو امدح ماعتقد بوفي، كوالتي الالوان وايد روعه
وثباتها وايد حلوو والالوان طبعا هي الالوان المفضله عندي ^^
كريم أساس من "جيفنشي"، عشقي هالكريم فيه ريحه وايد أحبها، استخدمه تقريبا شبه يومي
لانه تغطيته خفيفه وفيه نسبة واقي شمس
كونسيلر من "ماك" للاسف انا فاشله في اختيار الكونسيلر وبالاصح انا هاويه للمكياج بس مب محترفه
وماعندي مكياج وايد لاني ماحب ايمع مكياج احب اخلص اللي عندي واجرب عقب شي يديد
هالكونسيلر ماحسه يناسبني بس قلت استخدمه الين يخلص "ههههه
بودره للويه من "جيفنشي" طبعا واضح الاستخدام هههه شوي وبتختفي
أحب هالبودره واحب استخدمها بشكل يومي لانه خفيفه
المجموعه الأخيره
جل آي لاين من "ماك" والفرشاه بعد من "ماك" رقمها 266
في البدايه ماكنت اعرف ارسم بالفرشاه بس مع الاستمرار حسيت انه سهل جدا
مسكرا من "لوريال" البنفسجيه، صارلي سنه وانا استخدمها، طبعا اتخلي الرموش ولا اروع
تعطي فوليوم للرموش لانه فرشاتها صغيره واحس مفعلوها مثل مفعول مسكرة بينيفت تعطي نفس النتيجه
جحال اسود من "أج آند أم" هالجحال عجيييب سواد وثبات، يوم اشتريته ماتوقعت تكون نتيجته حلوه
بس واضح من الصوره من حبي له ماتم منه شي ههههه
. . .
وبجي آكون خلصت، اتمنى انه يعيبكم البوست
كونوا بالقرب
ليست هناك تعليقات:
إرسال تعليق