الأحد، 30 أغسطس 2015

طريقة ترتيب حقيبة السفر . . . How to organaiz the travel's bag

.

السلام عليكم ورحمه الله وبركاته 









مرحبا زواري الأعزاء . . يبتلكم الموضوع اللي وعدتكم فيه واتمنى يعيبكم 
كنت اتنمى يكون الموضوع افضل من جي بس للأسفل لضيق الوقت ماقدرت 
بس ان شاء الله الياي أفضل ان شاء الله 


في البدايه عشان مانلخبط نفسنا ونحط نفسنا في دوامه كبيره، بحطلكم بعض النصايح 
اللي عن نفسي اتبعتها وخففت وايد اشياء 

في البدايه لازم اعرف طقس الدوله اللي رح ازورها ومن خلالها اصنف الملابس اللي اباها
يعني هل بتحتاجين ملابس خفيفه او ثجيله 

عقب ابدا اكتب اللسته بالاغراض اللي بشلها 
وقسميها على هالاساس:

١- المستندات المطلوبه: مثل الجواز والتذكرره ونخسه من كل شي 
٢- الميزانيه: تحويل العمله، كاش او بطاقه، محفظه الخ
٣- وسائل الترفيه: الفون، اللاب، ايباد، كتاب مفيد، سماعات، خريطه، قائمه بالمناطق السياحيه الخ

طبعا الجزء الاول للاغراض الاساسيه واللي تاخذينها وياج ف حقيبه اليد تقريبا 

١- ملابس: الداخليه والخارجيه "تاخذين اللي تحتاجينه وعلى حسب عدد الايام" ولا تنسين البجامه
٢- اكسسوارات: ساعه، نظاره، مظله "لو احتجتي" حقيبه ييد، جوارب الخ
٣- الاخذيه "وانتو بكرامه" : صندل، بوت، شبشب

.  .  

١- شنطه صغيره للمكياج
٢- شنطه صغيره لاغراض الحمام
٣- شنطه صغيره للمشط وبنسات الخ
٤- شنطه الاسعافات الاوليه 


وبعد لا تنسين تاخذين وياج خفايف وسناك، مثل الجبس والكاكاو والمكسرات 


الحين اني لترتيب الاغراض 



مثل ما انتو شايفين، حطيت الاحذيه على الجوانب واذا كان الجوتي يديد تقدرون تحطون الجوارب داخل الجوتي
منها تسبين مكان ومنها الجوتي مايخترب مع ضغط الاغراض
الملابس لفيتهم على شكل رول وصفيهم عدال بعض 
وحطيت البجايم عدال بعض والقمطان نفس الشي عشان ماحوس الدنيا يوم بحتاج لشي 



عندي شبشب خاص للحمام واحب اشله وياي للسفر للحمام، وافضل احطه في هذا كيس القماش
يكون خاص بالاحذيه، كنت ماخذه جوتي يديد وكان معاه هالكيس واحتفظت فيه للسفر 
مفيده هالطريقه تحمي الملابس 



شنطه صغيره للمكياج، حبيت اشل وياي الاشيا الميني واللي قريب بتخلص 
اللي باخذه وياي" بودره ، بيبي كريم، ماسكرا ووتر برووف، جحال ابيض واسود، مرطب شفايف، فرشاه ، برايه"
ماحب اكثر من المكياج في السفر لاني احب ارح ويهي من المكياج 




شنطه صغيره للاكسسوارت




شنطه عازله للمنتجات السائله
حطيت فيها: شامبو، بلسم، شور جل، لوشن، كريم الصباح، غسول للويه، وكريم للايد



شنطه للاغراض الجافه ههههه ماحصلت وصف لها
"فرشاه معجون، صابونه، مناديل للمكياج، ديودرنت، شنطه اصغر للخيط والابره"



شنطه الاسعفات الاوليه، اهم شنطه
تحتوي على:" لزق جروح، مطهر جروح، فكس، مرهم لكدمات، مرهم للحروق، بندول . . الخ"


.  .  . 

يبتلكم هالعلب الصغيره المفيده تلقونها في ايكيا 




هالعلب تفيدج في تعبئه الاشيا مثلا الشامبو بدل لا ناخذ العلبه كلها، انحط كميه تكفي لسفرنا ومنها نكسب مكان 
واذا ماكانت عندج هالعلب تقدرون تاخذون من عند دايسو عنده علب للسفر، او بعد لو عندج علب لمنتجات مثل غسول للويه او غيرها
احتفظي فيها لما تخلصين منها عشان تستفيدين منها 



كانت عندي كميه بسيطه من مزيل للطلاء والعلبه حجمها كبير 
ف عبيتها في هالعلبه، وبعد لو كنتي شاله كم علبه من نفس اللون، الافضل تحطين ستكر مع اسم كل منتج 



وسويت هالطيقه عشان امنع تسرب السائل من العلبه
الطريقه وايد سهله، هاتي قطعه نايلون من اي كيس قصي منه قطعه صغيره
حطي القطعه على راس العلبه وعقب سكريها بالغطا 




.  .  .  .  .  

وبجي أكون خلصت 

أتمنى يكون الموضوع مفيد لكم 


كونوا بالقرب 







ليست هناك تعليقات:

إرسال تعليق