الثلاثاء، 10 نوفمبر 2015

November HAUL : No7 / BOOTS / ALDO / BATH AND BODY WORKS . . مشترياتي ل نوفمبر ٢٠١٥

.

السلام عليكم ورحمه الله وبركاته 







يسعدلي صباحكم ومساكم بكل حب وخير 

هالبوست كان المفروض احطه ف بدايه الشهر بس للأسف انشغلت وايد 
شهر ١١ مليئ بالمناسبات بالنسبه لي هههه

بس الحمدلله حصلت شوي وقت اصور واحطلكم الاشيا البسيطه اللي خذتها ل شهر ١١ 
واللي حابه استخدمها ل هالشهر واشوف نتايجها 
هالمره خذت اشيا بسيطه من باث آند بدي ووركس / آلدو / ومن بوتس 

.  .  .  .  .  .  .  .  .  .  .  .  


أول شي رح أبدا من اليمين 
" BATH AND BODYWORKS   "



أحب عروض باث آند بدي ووركس ، دايما يكون عندهم عرض مثلا : خذي ثنين والثالث مجانا 
ف هالمره كنت حابه آخذ كريم للايد ، لانه انا انسانه ماحب ايدي تصير جافه احس بشعوور يضااايج 
 واحسها مغبره يوم تجف ف على طوول استخدم كريم الايد 

خذيت ثنينه والثالث كان مجانا 
اللي ع اليمين ريحته جي انتعاش وحلوه وهذا مخلتنه في شنطه ايدي وين ماروح ستخدمه 
اللي فالوسط ريحته يقطين وجرفه ، مع اني ماحب ريحه الجرفه بس مع ريحه اليقطين احس طلع حلوو 
ومكانه على مكتبي قريب مني لما اشتغل او اتابع مسلسل في اللاب لازم شوي ترطييب للايد 
الثالث ريحته فانيلا وحلوه ريحته مكانه جنب طاوله سريري قبل النوم احط منه 

احب منتجات باث آند بدي ووركس، حجم الكريم جدا مناسب لا انه كبييير ولا انه صغييير 
وريحت الكريم قويه وثابته هاللي احبه اكثر شي 
سعر الكريم الواحد: 30 درهم




وخذت شمعه صغنونه وحده للمكتب 
حبيت حجمها وايد، وطبعا ريحتها قويه وبما اني احب شموع باث آند بدي ووركس
قررت آخذ الحجم الصغير لاني بين فتره وفتره احب انوع بالشموع ف أحس هالحجم من الشمع مناسب
واشوف الحجم الكبير يناسب الصالات والميالس هههه هذا رأيي 
طبعا شوفوا حجمها بالنسبه لحجم كريم الايد وايد كتوته ههههه

اخترتها ب ريحه الفانيلا وريحتها وايد حلوه ^^

وسعرها : 20 درهم 




والحين ننتقل ل " ALDO "


خذت هالنعال وانتوا بكرامه 
حبيته انه عملي وف نفس الوقت شكله حلو، تقريبا شكله قريب ل شكل فالينتينو ^^
جربته في كذا طلعه حسيته حلوو ومرييح 





وطبعا دام دخلنا ألدو مايصير نطلع من دون لا ناخذ شي من الاكسسوارات هههه
أحب اكسسواراتهم اشكالها تخليج تحتارين شو تاخذين ^^
خذت الحلق والخواتم 
طبعا ماحصل مقاس زين إلا ف ألدو لانه مقاسي تحت الطبيعي ههههه 

.  .  .  .  .  


وآخر شي "  BOOTS"


ف بوتس كان عندهم عرض تاخذين منتجين من نمبر 7 والثالث مجانا 
بالنسبه لي كنت محتاجه ل كريم لتحت العين للهالات السودا وكريم للليل 




كريم الليل يوحد لون البشره والحين استخدمه وبشوف النتيجه وبقولكم 
سعره: 110 درهم




خذيت مناديل لمسح المكياج، خليته حق الطلعات المبيت برع 
عطوني ياه مجانا بما اني خذيت منتجين 




كريم للعين لسواد تحت العين
يقولون يفتح السواد، وبما انه عيوني مثل عيون الباندا هههه ف قلت اجربه وبشوف نتيجته

سعره: 95 درهم




وخذيت هالماسك للشعر بالكاستنا والحنا
هو مخصوص لشعر الاحمر والبني، استخدمته تقريبا ثلاث مرات
وحسيت لون شعري البني برز اكثر 
بالنسبه لي بشوف نتيجته بعد اكثر 

سعره: 18 درهم . . حبيت سعره ب نسبه لحجمه الكبير




الشي الاخير من بوتس 

سكراب من سووب آند قلوي، أعشق سكراباتكم بشدده 
هالمره خذت هالسكراب بالليمون وحبيييت مفعلوه من أول استعمال ^^

سعره: 65 درهم



/ / / / 


وبجي أكون خلصت ان شاء الله يعيبكم البوست 
وأي استفسار حياكم فالكومنت او الايميل 


كونوا بالقرب 












هناك تعليقان (2):