الأحد، 23 أغسطس 2015

مشترياتي من موقع نكست دايركت دوت كوم . . nextdirect.com

السلام عليكم ورحمه الله وبركاته









حياكم الله زواري الأعزاء . . طبعا مثل ماذكرت في موضوع من المواضيع، حاليا اجهز للسفر 
اخترت موقعي المفضل nextdirect.com عشان اكمل الاشيا الناقصه
طبعا هذا الموقع صارلي سنه وأنا اشتري من عندهم
في البدايه كنت اشتري ل طفلي، ملابسهم وايد حلوه والخام بعد روعه والاسعار اروع 
ومن فتره بديت اخذلي بعض الاشيا مثل البجايم 

هالمره صارت مشكله عندهم وعلى طول طرشولي ايميل يعتذرون وقالوا انه الطلبيه بتتأخر واحتمال بعض 
الاغراض تكون مخلصه، احب سرعه تواصلهم ويبلغون عن أي مشكله تصير

الشي اللي اضايج من الموقع شوي، هي انه اغراضهم بسررعه تخلص 
يعني من ينزل كولكشن لازم بسرعه نشتري ههههه لانه السايزات ماتم
طبعا بالاخص الاطفال بسرعه السايزات تخلص
وانا أحب اشتري ل طفلي من بجايمهم وملابس للبيت 


هالمره اشتريت بجامتين وثلاث كنزات او قمصان و جوارب 
اضغطوا على الاسماء اللي تحت كل صوره وبينقلكم الرابط 



تيشيرت Minnie من Disney™




تيشيرت Bambi من Disney™


احب البجامات وطبعا كل ماكانت كيوت كل ماكانت النفسيه للنوم عاليه ههههه
خام البجايم وايد ناعمه والرسومات وايد كيوت

.  .  . .  



سترة مفتوحة



سترة شبكية



سترة كتل لون


خذيت هالثلاث السترات الاولى والثالثه خفيفه واللي في الوسط ثجيله 
حاولت انوع لانه الجو هناك ماعرف كيف بيكون بالضبط 
لانه الايام الممطره يكون بارد والايام العاديه يكون زين 


.  .  .  . 



خذت هالجوارب اشكالهم وايد حلوه وحبيييتهم
خذت نوعين، نوع شوي طويل والثاني قصير 






حزمة من خمسة جوارب قدم Miss Morris



وبجي أكون خلصت، طبعا تحسفت شوي أني استعيلت واشتريت
لانه عقب ماسويت الوردر نزلوا كولكشن بسيط وحلوو هههه
بس قلت ماعليه في المره اليايه ان شاء الله مابفوت 


بما أني استعد للسفر ان شاء الله بسوي موضوع عن سفر 
كيف انرتب الشنطه وشو المستلزمات اللي نحتاجها
ان شاء الله احصل وقت واسوي
لانه حاليا اسوي جرد على الملابس وارتب قسمي 
والدنيا حايسه عندي -.-"


ترقبوا اليديد وكونوا بالقرب



ليست هناك تعليقات:

إرسال تعليق