.
.
.
مرحبا زواري الاعزاء
اليوم نشيت من النوم وانا على بالي اكله اماراتيه
نسميها "بيض وطماط"
وهي بالاصح مش اساسيه اماراتيه
لانه في كذا بلد تسوي هالاكله بس تختلف المسميات والاضافات
ف اليوم قلت بجربها وللعلم اني مش هاويه للمطبخ وايد
بس احب مرات اسوي اكلات خفيفه وبسيطه
/ / /
الاكله مكوناتها جدا بسيطه وسريعه وموجوده في كل مطبخ
المكونات تكفي لشخص الى شخصين
١- طماطم مقطعه لمكعبات العدد٢
٢- بيضه العدد١
٣- رشه ملح و رشه فلفل اسود "حسب الرغبه"
٤- تاوهه "مقلاه"
فالبدايه نسخن المقلاه، وبعدها نحط الطماطم
ونحركها إلين يذبل عندنا الطماطم
وبعدها نضيف البيضه
"البعض يخفق البيضه ويحطها ،البعض يحط البيضه دايركت بدون خفق
انا ضفتها بدون خفق لانه في النهايه النتيجه وحده"
نضيف الملح والفلفل ونحرك لين يستوي عندنا البيض
وبس بالعافيه عليكم
في النهايه عرفتوا ليش نسمي اكلتنا "بيض وطماط"
لانه هي عباره عن بيض وطماطم فقط ههههههه
البعض يضيف فلفل رومي وفلفل حار ويسمونها "شكشوكه"
طبعا كل بلد وعاداته ^^
اتمنى انكم استفدتوا
وكونوا بالقرب
ليست هناك تعليقات:
إرسال تعليق