.
السلام عليكم ورحمه الله وبركاته
يسعدلي صباحكم ومساكم زواري الأعزاء . .
قررت الشهر اللي طاف اشترك في موقع " ذا رابي بوكس "
أحب هالنوع من المواقع، شغلهم عباره يفاجئونج كل نهايه شهر ببوكس يحتوي على منتجات متنوعه ومختلفه
تخص حياتج اليوميه
تقدرون تدخلون على الموقع عشان تعرفون عنهم أكثر
بوكس شهر أكتوبر تقريبا يغلب عليه طابع الهالوويين والخريف
حبيت أغراضهم وحسيتها مفيده وحسيت انها مرتبطه في بعضها
بتقول كيف مرتبطه ؟ في نهايه الموضوع بقولكم كيف
نبدا بأول منتج
Papaya fruit and Honey facemask by Herbline Essentials
بالنسبه لي كنت محتاجه ل ماسك لويهي وهالماسك يا في وقته
وايد متحمسه استخدمه واشوف نتيجته
وبالاخص يحتوي على بابايا وعسل أحس بيكون شي مفيد لبشرة ويهي
والشي الحلو انه طبيعي ١٠٠ ب ١٠٠ والاحلى انه غير مجرب على الحيوانات
Frankenstein by MARY SHELLEY
الشي الثاني عباره عن روايه رعب طبعا الأجانب في هالوقت من السنه
يقرون هالنوع من الكتب لانه شهر اكتوبر يكون عندهم الهالوويين
بس بالنسبه لي شي مفيد بضمه لمكتبتي
Happy Socks
الشي الثالث عباره عن سوكس "جوارب"
بعد هالوقت بدا الجو يصير بارد ف شي مفيد في الوقت المناسب
Ultra Rich Matte Lipstick by Avon
طبعا من الضمن المنتجات يشملون منتجات التجميل
اللون وايد حلو بس تمنيته يكون أغمج
لاني أحب الالوان الغامجه للخريف والشتا
Autumn Candle by Pure Candles Dubai
المنتج الأخير عباره عن شمعه
ومصنوعه يدويا ١٠٠ ب١٠٠
بالنسبه لي أحب الاشيا المصنوعه يدويا وايد واشجعهم وبشده
ريحة الشمعه وااايد روعه
الحين بقولكم كيف الاشيا مرتبطه ب نفسها
يعني اول شي تحطين الماسك على بشرة ويهج وبعدين تلبسين السوكس وتولعين
الشمعه وتيلسين على الكرسي وتقرين الروايه
ههههه جي ربطت الاشيا مع بعضها طبعا الروج تقدرين تحطينه بشكل يومي
هل رح أشترك مره ثانيه؟
فالبدايه قلت خلاص أول تجربه واكتفيت
بس بعدين فكرت فيها شوي حسيت اني حابه افاجئ نفسي كل نهايه شهر بمنتجات متنوعه
ومفيده وجميله ورح اشترك ان شاء الله
ان شاء الله اذا شفت في تفاعل على هالموضوع رح
انزل بوست بطريقه الاشتراك في موقع
كونوا بالقرب
مدونه جميله ماشاءالله .. يعطيك العافيه
ردحذفبالنسبه لفكرة البوكسات انا جدا متردده في الاشتراك بإحدى الشركات زي جلام بوكس مثلا لأني احس ان الاسعار مبالغه بالنسبه للمنتجات اللي يحطوها في بعض الاحيان منتجات الاقيها في الصيدليه فمايحتاج ادفع مبلغ وقدره عليها ،، مجرد رأي طبعا
حبيت انوه عزيزتي عن اسم البوكس Therapy ثيرابي و ليس ذا رابي .. ثيرابي تعني معالج او معالجه :)
فقط حبيت انبهك لاتزعلي و شاكره لك متابعتك لمدونتي المتواضعه
عيونج الأجمل حبيبتي ^^
حذفأنا آايد رأيج بخصوص سعر الاشتراك يعني في بعض الاحيان مثل ما قلتي منتجات سهل الحصول عليها وبعد جميعها عينات مجانيه ف مايستاهل، مثلا لو كانت جميع المنتجات بحجمها الاصلي بيكون السعر مقبول،
بخصوص الخطأ المطبعي تسلمين حبيبتي على التصحيح بالعكس حبيت انج نبهتيني مافي شخص مايغلط
سعيييده جدا بزيارتج لمدونتي وكوني بالقرب عزيزتي
thank you
ردحذفبرمجة مواقع
اخبار السيارات
ردحذفاخبار السيارات